ინგლისის პრემიერლიგის მეცხრე ტური ლივერპულური დერბით გაიხსნა, რომელშიც „ენფილდზე“ „ლივერპულმა“ „ევერტონი“ დაამარცხა.

იურგენ კლოპის გუნდს გაუჭირდა და მეტოქე, რომელიც 37-ე წუთიდან რიცხობრივ უმცირესობაში თამაშობდა, მხოლოდ ბოლოსკენ გატეხა. მატჩის გმირი მოჰამედ სალაჰი იყო, რომელმაც დუბლი შეასრულა და მასპინძლებს მოაგებინა.

„ლივერპულმა“ 20 ქულა დააგროვა და ორმატჩიანი მოუგებელი სერია შეწყვიტა. „ევერტონი“ 7 ქულით მხოლოდ მე-16 ადგილზეა.

„ლივერპული“ – „ევერტონი“ 2:0 (0:0)

გოლები: 1:0 სალაჰი (75, პენ), 2:0 სალაჰი (90)