ფიფას პრეზიდენტმა, ჯანი ინფანტინომ, მხარდაჭერა გამოუცხადა ორი მოკლული შვედი გულშემატკივრის ოჯახებს და მეგობრებს.

„შოკირებული და დამწუხრებული ვარ ორი შვედის ტრაგიკული დაღუპვით ბრიუსელში, სტადიონის მახლობლად, სადაც ბელგიამ შვედეთს უმასპინძლა ევრო 2024-ის საკვალიფიკაციო მატჩში. ფიფას და საფეხბურთო საზოგადოების სახელით ღრმა მწუხარებას გამოვთქვამ დაღუპულთა ოჯახებისა და მეგობრების მიმართ. ჩვენი აზრები ბელგიელ და შვედ ხალხთან, მათ ეროვნულ ნაკრებებსა და ფედერაციებთანაა.“- წერს ინფანტინო სოციალურ ქსელში.

შეგახსენებთ, გუშინ, 16 ოქტომბერს, ბრიუსელში, ბელგია - შვედეთის ევროპის ჩემპიონატის შესარჩევი მატჩის წინ, ორი შვედი გულშემატკივარი მოკლეს. პირველი ტაიმის შემდეგ თამაში შეწყდა.