მსოფლიო თასზე მესამე ნახევარფინალისტი გაირკვა - ინგლისის ნაკრები. ალბიონელებმა ფიჯის ნაკრები დაძაბულ ბრძოლაში დაამარცხეს.

ინგლისმა პირველი ტაიმი კარგად ჩაატარა და უპირატესობა მოიპოვა, 21:10 დაწინაურდა, რომლის შენარჩუნება მეორე ნახევარში მოახერხა. თუმცა, ფიჯის ნაკრებმა ბოლომდე იბრძოლა და ახლოს იყო მოგებასთან, მაგრამ ბოლო შეტევა ლელოთი ვერ დააგვირგვინა.

საბოლოოდ, ინგლისის ნაკრებმა 30:24 იმარჯვა და ნახევარფინალში საფრანგეთი-სამხრეთ აფრიკის წყვილში გამარჯვებულს შეხვდება.

ინგლისი - ფიჯი 30:24 (21:10)