დღეს, 14 ოქტომბერს, ევრო 2024-ის ნორიგი შესარჩევი შეხვედრები გაიმართა.

გვიან სამი მატჩი ჩატარდა. ყველაზე საინტერესო, ალბათ G ჯგუფის ლიდერების, უნგრეთისა და სერბეთის ეროვნული გუნდების თამაში იყო. მასპინძლებმა მე-20 წუთზე გახსნეს ანგარიში, თავი ბარნაბა ვარგამ გამოიჩინა. 33-ზე სტრაჰინია პავლოვიჩმა გაათანაბრა, თუმცა რამდენიმე წამში როლანდ სალაიმ ისევ დააწინაურა მასპინძლები.

თამაში ასევე დასრულდა - 2:1. ახლა უნგრეთს 5 მატჩის შემდეგ 13 ქულა აქვს და ერთპიროვნული ლიდერია. სერბებს 10 ქულა დარჩათ (6 თამაშიდან). ამ გამარჯვებამ უნგრელები ძალიან მიუახლოვა ევროპის ჩემპიონატის ფინალურ ეტაპს.

H ჯგუფში, კოპენჰაგენში დანიამ ყაზახეთს 3:1 სძლია, 16 ქულა დააგროვა და ლიდერ სლოვენიას გაუთანაბრდა. სლოვენიელები მხოლოდ ბურთების უკეთესი ბალანსის წყალობით პირველობენ.

C ჯგუფში იტალიამ ბარიში მალტას 4:0 იოლად მოუგო, 10 ქულა მოაგროვა, მეორე ადგილზეა და ლიდერ ინგლისს 3 პუნქტით ჩამორჩება. დუბლი მიითვალა დომენიკო ბერარდიმ, თითოც ჯაკომო ბონავენტურამ და დავიდე ფრატეზიმ გაიტანეს.