არგენტინის ნაკრები მსოფლიოს ჩემპიონატის პირველი ნახევარფინალისტია. სამხრეთამერიკელებმა მეოთხედფინალში უელსის ნაკრების დამარცხება მოახერხეს.

უელსი ფავორიტი იყო, მაგრამ არგენტინის ნაკრებმა კიდევ ერთხელ დაამტკიცა, რომ მისი ჩამოწერა არასდროს შეიძლება. პირველი ნახევარი ევროპელებმა 10:6 მოიგეს, თუმცა, მეორე ნახევარში არგენტინამ შესანიშნავად ითამაშა და საბოლოოდ გამარჯვება იზეიმა.

არგენტინის ნაკრები ისტორიაში მესამედ გავიდა მსოფლიო თასის ნახევარფინალში (2007, 2015 წლები), სადაც ირლანდიისა და ახალ ზელანდიას შორის გამარჯვებულს დაუპირისპირდება.

უელსი - არგენტინა 17:29 (10:6)