„ბორდოს“ მთავარ მწვრთნელად ალბერტ რიერა დაინიშნა. ფრანგულმა კლუბმა ინფორმაცია ოფიციალურად დაადასტურა.

რიერასთან ერთად კლუბს მისი ასისტენტები პაბლო არტეტა და ხულიენ ხიმენესი შეუერთდნენ. მხარეებს შორის კონტრაქტი 2025 წლამდე გაფორმდა.

ალბერტ რიერამ სამწვრთნელო კარიერა „გალათასარაიში“ დაიწყო, სადაც ასისტენტი იყო, მერე მთავარ მწვრთნელად ლუბლიანას „ოლიმპიასა“ და „ცელიეში“ იმუშავა. საფეხბურთო კარიერის განმავლობაში რიერა „მალიორკას“, „ესპანიოლის“, „მანჩესტერ სიტის“, „ლივერპულის“, „ოლიმპიაკოსის“, „გალათასარაის“, „უოტფორდის“, „უდინეზეს“, „ზავრიჩის“ და „კოპერის“ ღირსებას იცავდა, ხოლო 2003-2005 წლებში „ბორდოს“ ფეხბურთელიც იყო.

„ბორდო“, სადაც ზურიკო დავითაშვილი თამაშობს, ლიგა 2-ში 10 ტურის შემდეგ 11 ქულით მე-13 ადგილზეა და ამიტომაც დავიდ გიონი გაათავისუფლეს.