უეინ რუნი „ბირმინგემ სიტის“ მთავარი მწვრთნელი გახდა. ინგლისურმა კლუბმა ინფორმაცია ოფიციალურად დაადასტურა. მხარეებს შორის 3.5-წლიანი კონტრაქტი გაფორმდა.

ამრიგად, რუნი, რომელმაც რამდენიმე დღის წინ დატოვა DC იუნაიტედი, უკვე დასაქმდა. ინგლისელს ჩემპიონშიფში მუშაობის გამოცდილება აქვს, როდესაც „დერბი ქაუნთის“ მწვრთნელი იყო.

„ბირმინგემ სიტი“ ინგლისის ჩემპიონშიფში 11 ტურის შემდეგ მეექვსე ადგილზეა.