მსოფლიოს ჩემპიონატზე A ჯგუფში ასპარეზობა დასრულდა: საფრანგეთის ნაკრებმა იტალიას მოლოდინისამებრ ძალიან ადვილად, 60:7 აჯობა.

მატჩის ბედი პირველივე ტაიმში გადაწყვეტილი იყო, რომელიც ფრანგებმა 31:0 მოიგეს. იტალიამ მხოლოდ ის მოახერხა, რომ ერთი გარდასახული ლელო მიითვალა.

შედეგად, საფრანგეთის ნაკრები 4 მოგებით და 18 ქულით მეოთხედფინალში პირველი ადგილით გავიდა, ხოლო ახალმა ზელანდიამ მეორე საფეხური დაიკავა. იტალიამ 2 თამაში მოიგო, 10 ქულა დააგროვა და ჯგუფში მესამე პოზიცია ერგო. აღსანიშნავია, რომ „აძური“ მსოფლიო თასზე ჯგუფში ზედიზედ მეათედ ჩარჩა.

აქვე ვთქვათ, რომ მეოთხე პოზიციაზე ურუგვაი გავიდა 5 ქულით, ხოლო ნამიბიამ ასპარეზობა 4 წაგებით და ქულის გარეშე დაასრულა.

საფრანგეთი - იტალია 60:7 (31:0)