საუდი პრო ლიგის მე-9 ტურის ცენტრალურ შეხვედრაში „ალ-აჰლიმ“ დერბიში „ალ-იტიჰადი“ მისსავე მოედანზე 1:0 დაამარცხა.

დაძაბული მატჩის ბედი ფრანკ კესიმ გადაწყვიტა, რომელმაც 31-ე წუთზე მასპინძელთა კარში ძალიან ეფექტური გოლი გაიტანა. 71-ე წუთზე კარიმ ბენზემამ გაიტანა, მაგრამ გოლი გააუქმეს და მისი გუნდი დამარცხდა.

„ალ-აჰლსა“ და „ალ-იტიჰადს“ 19-19 ქულა აქვთ და „ალ-ნასრთან“ ერთად მესამე-მეხუთე ადგილებს იყოფენ.

ამავე ტურში „ალ-ნასრი“ „აბჰას“ 2:0-ს ამარცხებდა, მაგრამ ორი გოლი გაუშვა და მხოლოდ ქულას დასჯერდა. ამჯერად, კრიშტიანუ რონალდუმ თავი ვერ გამოიჩინა.

საუდი პროლიგას ამ დროისთვის 22 ქულით მოულოდნელად „ალ-ტავონი“ ლიდერობს, რომელსაც სხვა კლუბებისგან განსხვავებით ბევრი ვარსკვლავი ნამდვილად არ ჰყავს.