„დინამო თბილისმა“ წყალბურთის ჩემპიონთა ლიგაზე მეორე ტურის მატჩი ჩაატარა და ისევ დამარცხდა.

დეიან სტანოევიჩის გუნდმა პირეოსის „ოლიმპიაკოსს“ უმასპინძლა და წინააღმდეგობა ვერ გაუწია. მატჩის ბედი პირველივე პერიოდში გადაწყდა, რომელიც ბერძნებმა 6:0 მოიგეს.

ცხადია, ამის შემდეგ „დინამომ“ თამაშის შეტრიალება ვერ მოახერხა და საბოლოოდ, 6:19 დამარცხდა. მასპინძლებმა ყველა პერიოდი დათმეს.

„დინამო თბილისი“ B ჯგუფში ორი ტურის შემდეგ უქულოდ ბოლო ადგილზეა და მომდევნო შეხვედრას 17 ოქტომბერს, „დუბროვნიკთან“ გამართავს.

„დინამო თბილისი“ – „ოლიმპიაკოსი“ 6:19 (0:6, 3:4, 1:3, 2:6)