იტალიის სუპერთასის ნახევარფინალში თორნიკე შენგელიას „ვირტუს ბოლონიამ“ ჩემპიონი „ოლიმპია მილანო“ 78:73 დაამარცხა და ფინალში გავიდა.

ბოლონიელებმა მეტოქეს აჯობეს და გამარჯვება მოიპოვეს, თუმცა, მთელი თამაში ქულა-ქულაში მიმდინარეობდა.

თორნიკე შენგელიამ 28 წუთში 13 ქულა, 5 მოხსნა და 4 პასი მიითვალა. ქართველმა კალათბურთელმა 6-დან 3 ორქულიანი, 4-დან 1 სამქულიანი და 5-დან 4 საჯარიმო ჩააგდო. მას თანაგუნდელთა შორის შედეგიანობით მხოლოდ მარკო ბელინელიმ აჯობა, რომელმაც 15 ქულა მიითვალა.

„ვირტუს ბოლონია“ ფინალში „ბრეშასა“ და „ტორტონას“ შორის გამარჯვებულს დაუპირისპირდება.