საფრანგეთის ლიგა 2-ის მეექვსე ტურში „ბორდომ“ სტუმრად „ვალანსიენი“ დაძაბულ ბრძოლაში 2:1 დაამარცხა, რაშიც ზურიკო დავითაშვილმა წვლილი საგოლე პასით შეიტანა.

ქართველი მოედანზე 71-ე წუთზე მაშინ გამოჩნდა, როდესაც ანგარიში 1:1 იყო. 89-ე წუთზე კი ზურიკოს პასით ალექსი პიცუმ გამარჯვების გოლი გაიტანა.

„ბორდო“, რომელსაც 1 ქულა დაკლებული აქვს, 9 ქულით მეექვსე ადგილზეა, ხოლო მომდევნო ტურში 26 სექტემბერს, „გენგამს“ ესტუმრება. დავითაშვილს ლიგა 2-ის მიმდინარე სეზონში 6 მატჩში 2 საგოლე პასი აქვს აქტივში.