ბრიტანული გამოცემის Daily Mail-ის ჟურნალისტის მაიკ კიგანის ცნობით, მომდევნო ზაფხულში ხვიჩა კვარაცხელია შეიძლება პრემიერლიგაში გადავიდეს.

„ნაპოლის“ გარემარბმა მომავალ წელს პრემიერლიგაში რომ ითამაშოს, არ გამიკვირდება. მას ინგლისში ბევრი თაყვანისმცემელი ჰყავს, მათ შორის „მანჩესტერ იუნაიტედში“. იანვარში ეს რთული იქნება, მხოლოდ იჯარით თუ მოხერხდება, მაგრამ მომავალი ზაფხულიდან მას პრემიერლიგაში წარმოვიდგენ“, - დაწერა კიგანმა.

შეგახსენებთ, რომ ხვიჩა კვარაცხელიას „ნაპოლისთან“ კონტრაქტი 2027 წლის ზაფხულამდე აქვს გაფორმებული. მისი სატრანსფერო ღირებულება დაახლოებით 100 მილიონი ევროა.

"მანჩესტერში" კვარაცხელიას ბრიტანული მედიის ვარაუდით, ანტონისა და ჯეიდონ სანჩოს შემცვლელად განიხილავენ. ბრაზილიელმა და ინგლისელმა ფეხბურთელებმა "წითელი ეშმაკების" მოლოდინი ვერ გაამართლეს.