ევროპის ჩემპიონატის შესარჩევი ეტაპი გრძელდება, სადაც დღეს რამდენიმე ჯგუფში გაიმართა მორიგი ტურის მატჩები.
B ჯგუფში ნიდერლანდების ნაკრები დუბლინში ირლანდიასთან აგებდა, მაგრამ კოდი გაკპოსა და ვოუთ ვეგჰორსტის გოლებით თამაში მაინც მოიგო და უმნიშვნელოვანესი 3 ქულა მოიპოვა. ამავე ჯგუფში საბერძნეთმა მოლოდინისამებრ იოლად აჯობა გიბრალტარს (5:0). ნიდერლანდებს და საბერძნეთს 9-9 ქულა აქვთ და მეორე ადგილისთვის იბრძვიან, რადგან პირველობაში საფრანგეთს ვერ შეეცილებიან.
| 1. | საფრანგეთი | 5 | 5 | 0 | 0 | 11 | 0 | 11 | 15 |
| 2. | ნიდერლანდები | 4 | 3 | 0 | 1 | 8 | 5 | 3 | 9 |
| 3. | საბერძნეთი | 5 | 3 | 0 | 2 | 10 | 5 | 5 | 9 |
| 4. | ირლანდია | 5 | 1 | 0 | 4 | 5 | 7 | -2 | 3 |
| 5. | გიბრალტარი | 5 | 0 | 0 | 5 | 0 | 17 | -17 | 0 |
E ჯგუფს ალბანეთის ნაკრები ლიდერობს! ალბანელებმა საკუთარ მოედანზე პოლონეთი 2:0 დაამარცხეს და სერიოზული განაცხადი გააკეთეს ევროპირველობაზე გასასვლელად, მით უფრო, რომ პოლონეთი უკვე ურთულეს ვითარებაშია.
ალბანეთს 10 ქულა აქვს, 8-8 ქულა აქვთ ჩეხეთსა და მოლდოვას, ხოლო პოლონეთს 6 (2 მოგება, 3 წაგება). მოკლედ, წინ ძალიან საინტერესო მატჩები გველოდება, ფაქტია, რომ ევროპის ჩემპიონატზე მოხვედრა ალბანეთსა და მოლდოვას შეუძლიათ.
| 1, | ალბანეთი | 5 | 3 | 1 | 1 | 8 | 3 | 5 | 10 |
| 2. | ჩეხეთი | 4 | 2 | 2 | 0 | 7 | 2 | 5 | 8 |
| 3. | მოლდოვა | 5 | 2 | 2 | 1 | 5 | 5 | 0 | 8 |
| 4. | პოლონეთი | 5 | 2 | 0 | 3 | 6 | 8 | -2 | 6 |
| 5. | ფარერები | 5 | 0 | 1 | 4 | 2 | 10 | -8 | 1 |
G ჯგუფში სერბეთმა ალექსანდრ მიტროვიჩის ჰეთ-თრიქით გასვლაზე ლიეტუვა 3:1 დაამარცხა და უნგრეთს გაუტოლდა, მაგრამ თამაშით მეტი აქვს ჩატარებული. ბრძოლაში რჩება მონტენეგრო, რომელმაც ბულგარეთს 2:1 მოუგო. აი, ბულგარეთმა და ლიეტუვამ კი შანსი დაკარგეს.
| 1. | უნგრეთი | 4 | 3 | 1 | 0 | 7 | 1 | 6 | 10 |
| 2. | სერბეთი | 5 | 3 | 1 | 1 | 9 | 4 | 5 | 10 |
| 3. | მონტენეგრო | 5 | 2 | 2 | 1 | 5 | 5 | 0 | 8 |
| 4. | ბულგარეთი | 5 | 0 | 2 | 3 | 3 | 8 | -5 | 2 |
| 5. | ლიეტუვა | 5 | 0 | 2 | 3 | 4 | 10 | -6 | 2 |
და ბოლოს, H ჯგუფი, სადაც ასევე საინტერესო ვითარებაა: ჩრდილოეთ ირლანდიამ და სან მარინომ ყოველგვარი შანსი დაკარგეს, მაგრამ ორი ადგილისთვის 4 გუნდი იბრძვის, მათ შორის სხვაობა კი მხოლოდ ქულაა!
სლოვენიელებმა სან მარინოს 4:0 აჯობეს, დანიამ ბოლოში გატეხა ფინეთი (1:0), ხოლო ყაზახეთმა ჩრდილოეთ ირლანდია დაამარცხა. სლოვენიას და დანიას 13-13 ქულა აქვთ, ფინეთსა და ყაზახეთს 12-12. ამრიგად, დარჩენილ ოთხ ტურში უნდა გადაწყდეს ყველაფერი.
| 1. | სლოვენია | 6 | 4 | 1 | 1 | 13 | 6 | 7 | 13 |
| 2. | დანია | 6 | 4 | 1 | 1 | 12 | 5 | 7 | 13 |
| 3. | ფინეთი | 6 | 4 | 0 | 2 | 11 | 4 | 7 | 12 |
| 4. | ყაზახეთი | 6 | 4 | 0 | 2 | 9 | 5 | 4 | 12 |
| 5. | ჩრდ. ირლანდია | 6 | 1 | 0 | 5 | 4 | 8 | -4 | 3 |
| 6. | სან მარინო | 6 | 0 | 0 | 6 | 0 | 21 | -21 | 0 |
