„მანჩესტერ იუნაიტედის“ ფეხბურთელი ანტონი გარკვეული პერიოდით ფეხბურთს ჩამოშორდება.
ბრაზილიელმა ოფიციალურად დაადასტურა, რომ სანაკრებო პაუზის შემდეგ გუნდს არ დაუბრუნდება, რაც კლუბთან შეთანხმებული გადაწყვეტილებაა. ანტონი თავისუფალ დროს გამოიყენებს, რათა თავი დაიცვას ყოფილი შეყვარებულის ბრალდებისგან, რომელიც მას ფიზიკურ ძალადობაში ადანაშაულებს.
როგორც ანტონიმ აღნიშნა, მზადაა პოლიციასთან სრულად ითანამშრომლოს და ამბობს, რომ მას არ უძალადია.
შეგახსენებთ, რომ აღნიშნული სკანდალის გამო ანტონი ბრაზილიის ნაკრებიდანაც გაურკვეველი ვადით გარიცხეს.
