ევროპის 2024 წლის ჩემპიონატის შესარჩევ ეტაპზე საშემოდგომო სესია დაიწყო, სადაც მატჩები ოთხ ჯგუფში გაიმართა.
B ჯგუფში საფრანგეთის ნაკრებმა ევროპის ჩემპიონატისკენ უდიდესი ნაბიჯი გადადგა. დიდიე დეშამის გუნდმა მეხუთე ტურში ირლანდია დამაჯერებლად, 2:0 დაამარცხა, ორელინ ჩუამენისა და მარკუს ტურამის გოლებით. საფრანგეთს 15 ქულა აქვს, გოლიც არ გაუშვია და უახლოეს მდევარ ნიდერლანდებს 9 ქულით უსწრებს. შესაბამისად, „მამლები“ პრაქტიკულად ევროპის ჩემპიონატზე არიან.
ნიდერლანდებმა საბერძნეთის ნაკრებს ეინდჰოვენში პირველივე ტაიმში გატანილი 3 უპასუხო გოლით აჯობა და ძალიან მნიშვნელოვანი სამი ქულა მოიპოვა. ნიდერლანდებს და საბერძნეთს 6-6 ქულა აქვთ, მაგრამ რონალდ კუმანის გუნდს თამაშით ნაკლები აქვს ჩატარებული.
| 1. | საფრანგეთი | 5 | 5 | 0 | 0 | 11 | 0 | 11 | 15 |
| 2. | ნიდერლანდები | 3 | 2 | 0 | 1 | 6 | 4 | 2 | 6 |
| 3. | საბერძნეთი | 4 | 2 | 0 | 2 | 5 | 5 | 0 | 6 |
| 4. | ირლანდია | 4 | 1 | 0 | 3 | 4 | 5 | -1 | 3 |
| 5. | გიბრალტარი | 4 | 0 | 0 | 4 | 0 | 12 | -12 | 0 |
E ჯგუფში ძალიან საინტერესო და დაძაბული ვითარებაა, რომელიც არც ამ ტურში შეცვლილა. ჩეხეთმა საკუთარ მოედანზე ალბანეთს ვერ აჯობა (1:1), ხოლო პოლონეთის ნაკრებმა ფარერებს 2:0 მოუგო. სწორედ ფარერების გარდა, ყველა გუნდი ინარჩუნებს რეალურ შანსს, მათ შორის, მოლდოვაც კი, რომელიც ამ ტურში ისვენებდა.
| 1. | ჩეხეთი | 4 | 2 | 2 | 0 | 7 | 2 | 5 | 8 |
| 2. | ალბანეთი | 4 | 2 | 1 | 1 | 6 | 3 | 3 | 7 |
| 3. | პოლონეთი | 4 | 2 | 0 | 2 | 6 | 6 | 0 | 6 |
| 4. | მოლდოვა | 4 | 1 | 2 | 1 | 4 | 5 | -1 | 5 |
| 5. | ფარერები | 4 | 0 | 1 | 3 | 2 | 9 | -7 | 1 |
G ჯგუფში უნგრეთის ნაკრებია ბრწყინვალე, რომელმაც მორიგი 3 ქულა ბელგრადში სერბეთის წინააღმდეგ მოიპოვა, რომელთანაც თავიდან აგებდა, მაგრამ მერე ორი გოლი გაუტანა და იმარჯვა. სერბები მარცხი მიუხედავად მეორე ადგილს ინარჩუნებენ. ამავე ჯგუფში ლიეტუვისა და მონტენეგროს ნაკრებები დაზავდნენ (2:2).
| 1. | უნგრეთი | 4 | 3 | 1 | 0 | 7 | 1 | 6 | 10 |
| 2. | სერბეთი | 4 | 2 | 1 | 1 | 6 | 3 | 3 | 7 |
| 3. | მონტენეგრო | 4 | 1 | 2 | 1 | 3 | 4 | -1 | 5 |
| 4. | ლიეტუვა | 4 | 0 | 2 | 2 | 3 | 7 | -4 | 2 |
| 5. | ბულგარეთი | 4 | 0 | 2 | 2 | 2 | 6 | -4 | 2 |
და ბოლოს, H ჯგუფი, სადაც ფინეთის ნაკრებია ერთპიროვნული ლიდერი, რომელმაც ყაზახეთის ნაკრებს გასვლაზე 1:0 აჯობა. ყაზახებს ისევ აქვთ კარგი შანსი, მაგრამ კონკურენტთან წაგებით საქმე გაირთულეს. დანიამ, როგორც მოსალოდნელი იყო, სან მარინოს იოლად მოუგო (4:0), ხოლო სლოვენიის ნაკრებმა ჩრდილოეთ ირლანდიას აჯობა - 4:2.
| 1. | ფინეთი | 5 | 4 | 0 | 1 | 11 | 3 | 8 | 12 |
| 2. | დანია | 5 | 3 | 1 | 1 | 11 | 5 | 6 | 10 |
| 3. | სლოვენია | 5 | 3 | 1 | 1 | 9 | 6 | 3 | 10 |
| 4. | ყაზახეთი | 5 | 3 | 0 | 2 | 8 | 5 | 3 | 9 |
| 5. | ჩრდ. ირლანდია | 5 | 1 | 0 | 4 | 4 | 7 | -3 | 3 |
| 6. | სან მარინო | 5 | 0 | 0 | 5 | 0 | 17 | -17 | 0 |
