„მანჩესტერ იუნაიტედმა" განცხადება გაავრცელა ბრაზილიელ ნახევარმცველ ანტონისთან დაკავშირებით, რომელიც ოჯახურ ძალადობაშია ბრალდებული.
„მანჩესტერ იუნაიტედმა“ გაითვალისწინა ანტონის წინააღმდეგ წამოყენებული ბრალდებები და აღნიშნა, რომ საქმეს პოლიცია იძიებს. დამატებითი ინფორმაციის მოლოდინში, კლუბი კომენტარს არ გააკეთებს.
„ჩვენ სერიოზულად ვეკიდებით ამ საკითხს და გვესმის, რა გავლენას ახდენს ეს ბრალდებები და შემდგომი მოხსენებები ადამიანებზე ვინც ოჯახური ძალადობის მსხვერპლია.“ - ნათქვამია „წითელი ეშმაკების“ ვებ-გვერდზე გამოქვეყნებულ განცხადებაში.
შეგახსენებთ, რომ ანტონის ყოფილმა შეყვარებულმა, გაბრიელა კავალინმა, ადრე ისაუბრა ფეხბურთელის მხრიდან ოჯახურ ძალადობაზე. მოგვიანებით თავად ანტონიმ გაავრცელა განცხადება და თქვა, რომ ის ცრუ ბრალდებების მსხვერპლი გახდა.
