საქართველოს ნაკრების მთავარმა მწვრთნელმა ილიას ზუროსმა გერმანიის ნაკრებთან მარცხის (73:100) შემდეგ კომენტარი გააკეთა. როგორც ბერძენმა სპეციალისტმა აღნიშნა, მეორე ტაიმში არ იცის რა მოხდა, ძალიან ნელ ტემპში ითამაშეს და კონცენტრაციაც დაკარგეს.
„პირველ რიგში, გერმანიას ვულოცავ, რომელმაც მოგება დაიმსახურა. მეტოქემ უკეთ ითამაშა, განსაკუთრებით მეორე ტაიმში. არ ვიცი, რა მოხდა მეორე ნახევარში, დაბალი ინტენსივობით თამაში დავიწყეთ, ადვილად ვასროლინებდით ბურთს მეტოქეს და სამქულიანებში თავდაჯერება მოემატათ. ეს იყო გადამწყვეტი ფაქტორი. ვამაყობ ჩემი კალათბურთელებით, რადგან კიდევ ერთხელ ვიმეორებ, ვცდილობთ მაქსიმუმი გავაკეთოთ, ეს ჩვენი პირველი გამოჩენაა მსოფლიოს ჩემპიონატზე. თორნიკე შენგელიას პრობლემა ჰქონდა, ამ მატჩში მისი მონაწილეობაც სარისკო იყო, მის მდგომარეობას შევაფასებთ, ჯერ არ ვიცი, რამდენად სერიოზულია ტრავმა. მეორე ნახევარში დიდი ენერგია დავხარჯეთ.
ამით ჩვენთვის მსოფლიოს ჩემპიონატი არ სრულდება, ვიბრძოლებთ, მაქსიმუმს გავაკეთებთ. ზოგჯერ არის ცუდი, მაგრამ ზოგჯერ არის კარგი მომენტებიც და კმაყოფილები ვართ, რომ 16 გუნდში გავედით. დღეს ძალიან ძლიერი გუნდის წინააღმდეგ ვითამაშეთ, რომელსაც შესანიშნავი მწვრთნელი ჰყავს, ისინი ძალიან კარგად ისვრიან, ისევ ვიმეორებ, მე ძალიან ვამაყობ ჩვენი კალათბურთელებით.
ავსტრალია ძალიან ძლიერია, 9 კალათბურთელი ჰყავს NBA-დან, ისინი ძალიან სწრაფ და ლამაზ კალათბურთს მარტივად თამაშობენ. ვიცით, რომ რთული შეხვედრა იქნება, თუმცა ჩვენ უნდა ვცადოთ საუკეთესოს ჩვენება და დავინახოთ სად ის თუ სად ვართ. ყველას უნდა ვაჩვენოთ, რომ დანებებას არ ვაპირებთ. პირველ რიგში, უნდა ვიზეიმოთ ის, რომ ტოპ 16-ში ვართ და ასევე ოლიმპიადის საკვალიფიკაციოზე გავედით, რაც ძალიან მნიშვნელოვანია. ეს ყველას ოცნებაა და იმედი მაქვს, ამ ტურნირზეც ვითამაშებთ“, - თქვა ზუროსმა.
შეგახსენებთ, რომ საქართველოსა და ავსტრალიის ნაკრებთა მატჩი 3 სექტემბერს, თბილისის დროით 11:30 საათზე გაიმართება.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ჯერ დავაფიქსირებ-საიტი ცუდად მუშაობს, 3-4 ჯერ მთხოვს ავტირიზაციას, ყველა მოწყობილობაზე , ჩემი ბრალია? მთავარი კი ის არის რომ კალათბურთი ბოლო პერიოდში სტაგნაციაშია, ახლები იმედებს ჯერჯერობით ვერ ამართლებენ, თორნიკეს და გიორგის წასვლის შემდეგ ალბათ დავქვეითდებით ლიგაში,სიმართლე ისაა რომ ნაჩვენები თამაშის ხარისხიდან გამომდინარე ამ შედეგს მე ველოდი,, მთავარი რაც არის კალათბურთში -სროლა და დაცვა აქილევსის ქუსლია ჩვენი ნაკრებისთვის... ლატვია დაუწვა არ დაუწვა არ ვიცი და ფილიპინებს როგორ უნდა მოვუგოთ? რა რესურსით? ...
ჩვენების გეგმა იყო ბრაზილია და შემდეგ ლატვიისთვის მომზადება. ლატვიელებმაც მშვენივრად იცოდნენ ამის შესახებ და დაუწვნენ ფილიპინებს. ახლა კი მოგვიწევს მთელი ძალების დახარჯვა ფილიპინებთან. ამიტომ არ შეიძლებოდა ასე დაკიდება ამ თამაშის
ქართული კალათბურთის აღმავლობის ხანა დამთავრებულია! ამჟამინდელი ნაკრები გადაიქცა საშუალოზე დაბალი კლასის გუნდად, რომელიც არათუ ოლიმპიადის ან მსოფლიოს, არამედ აწი ევრობასკეტის ფინალური ეტაპის საგზურსაც ვეღარ მოიპოვებს. ამაზე სრულად არიან პასუხისმგებელი ფედერაციის ხელმძღვანელები. ვიქტორ სანიკიძე იმდენად კარგი სპორტსმენი იყო და ისე გვიყვარდა ხალხს, რომ ვერ წარმომედგინა თუკი ასეთი ცუდი მენეჯერი იქნებოდა. ამას დავუმატოთ ფედერაციაში გამეფებული სრული ნეპოტიზმი და დილეტანტიზმი, რაც გამოვლინდა ყოვლად უვარგისი ლეგიონერისა და მწვრთნელის შერჩევაში. ვინც ამ ჯიკიჩზე და ტომასონზე გააკეთა არჩევანი, მათ სრული პასუხისმგებლობა უნდა აიღონ! მასეთნაირები კონა ათ შაურად ყრია არათუ ევროპაში, არამედ საქართველოს ჩემპიონატშიც. და რატომ ვერ მოინახა უკეთესები?! მავანნი იტყვიან რომ მაღალი დონის მწვრთნელი და მოთამაშე ვერ დავითანხმეთო. ჰოდა, ეს ყველაფერი მკაფიოდ მიანიშნებს, რომ კალათბურთის ფედერაციაში არაპროფესიონალები სხედან, რომელთაც არ გააჩნიათ გონივრულად მოლაპარაკების წარმოების და დარწმუნების უნარები! შედეგად, მივიღეთ ნაკრების სრული დეგრადაცია, რაც მკაფიოდ გამოჩნდა ჯერ კიდევ გასული წლის ნოემბერში დანიასთან და სერბეთთან მარცხებით, ხოლო ამ ჯერზე უბრალოდ დადასტურდა. წავიდნენ ვეტერანები (ცინცაძე, ბერიშვილი), ალბათ მალე წავა შერმადინიც და ამ დროს მომავალი როგორია? კიდევ უფრო უარესი! ჰორიზონტზე არავინ არ ჩანს პერსპექტიული (მაქსიმუმ ბახტაძე), ხოლო შენგელიაც რომ წავა, მაშინ ნაკრებს უკვე სუსტი გუნდებიც მოუგებენ (ალბანეთი, პორტუგალია, რუმინეთი და ა.შ.)
100% გეთანხმები, ამის დაწერა მინდოდა მეც. სრულიად უპასუხისმგებლო ფედერაცია და ისევ ეს ძმაბიჭობა და ახლობლობა კალათბურთშიც, რაგბშიც, ფეხბურთშიც და საერთოდ ყველაფერში.
35 წლის შერმადინის და 30 წლის შენგელიას იმედად რომ იქნები. სამწუხაროდ, გოგამ და სანდრომ ვერ გაამართლეს მოლოდინები და გიო-თოკოს სანახევროდაც ვერ ცვლიან. დანარჩენები კიდევ მკვდარზე ვენოკი. მწვრთნელი და ტომასონი ცალკე თემაა. ზუროსმა და მაკფადენმა თითქოს თამასა ასწიეს და მათი ნახევარიც არ არიან არც ჯიკიჩი და არც ტომასონი. სამაგიეროდ, მთელი ფედერაციის საძმაკაცო აკადემიებს ხსნის, ვისაც არ ეზარება. ნაკრების და ჩემპიონატის დონე კიდევ ნათლად გვიჩვენებს, რაოდენ პროფესიონალურად მუშაობს ამდენი აკადემია
ისე შენგელიას და შერმადინის დაბრუნების შანსები არის პლეიოფებისთვის თუ გრძელვდიანი ტრავმებია. ცოტა მეტი ინფო ჰვინდა. ორივე თუ იქნება იქნებ ცოტა მოიზარდოს შანსი :დდ
შერმადინი ხანგრძლივი დროით გამოაკლდა ნაკრებს ტრავმის გამო და თოკო იმედია ითამაშებს ჯერ ფილიპინებთან და მერე სავარაუდოდ, ბრაზილიასთან
შერმადინი საერთოდ არ ყოფილა შემადგენლობაში. მარტო თორნიკეს დაბრუნება თუ რამეს შეცვლის საეჭვოა.
რა აზრი აქვს შემდეგ ეტაპზე გასვლას, ყველაზე კარგ ვარიანტში ისევ ამათ შევხვდებით ფინალში და კი ჩანს რისი შანსიც გვაქვს
))
ამ თამაშით თუ ვიმსჯელებთ, "თეორიული შანსიც" კი ზედმეტად ოპტიმისტურ სიტყვებად მოსჩანს ))
ვნახოთ რა იქნება თოკოსთან ერთად.
თეორიულის გარდა რა შანსი უნდა გვქონდეს?