უეფამ ჩემპიონთა ლიგის წილისყრის პარალელურად გასული სეზონის საუკეთესო ფეხბურთელი და მწვრთნელი დაასახელა.
ორივე ნომინაციაში გამარჯვებული „მანჩესტერ სიტის“ წარმომადგენლები გახდნენ. საუკეთესო ფეხბურთელად ერლინგ ჰოლანდი დასახელდა, მწვრთნელად - პეპ გვარდიოლა.
საუკეთესო მწვრთნელის ნომინაციაში ლუჩანო სპალეტიც იყო წარდგენილი, თუმცა, გვარდიოლას გამარჯვება მოსალოდნელიც იყო და ლოგიკურიცაა.
