რომელუ ლუკაკუ იტალიის სერია A-ში დაბრუნდა და კარიერას „რომაში“ გააგრძელებს. ბელგიელი ფორვარდი „ჯალოროსიმ“ ლონდონის „ჩელსიდან“ იჯარით გადაიბირა, რაც 5 მილიონი ევრო დაუჯდა.

რომელუს ხელფასი ერთი წლის განმავლობაში 7.5 მილიონი ევრო იქნება და მან 90-ნომრიანი მაისური მოირგო.

რომელუ ლუკაკუმ გასული სეზონი „ინტერში“ გაატარა, მაგრამ მილანურ გუნდში არ დარჩა. მისი შეძენით „იუვენტუსიც“ იყო დაინტერესებული, თუმცა, ტრანსფერი ჩიხში შევიდა და საბოლოოდ, ბელგიელი „რომაში“ აღმოჩნდა.

30 წლის ფეხბურთელს კარიერის განმავლობაში „ანდერლეხტში“, „ჩელსიში“, „ვესტ ბრომვიჩში“, „ევერტონში“, „მანჩესტერსა“ და „ინტერში“ აქვს ნათამაშები. ლუკაკუ და ჟოე მოურინიო ერთად „ჩელსისა“ და „მანჩესტერში“ მუშაობდნენ, ახლა კი მათი გზები „რომაშიც“ გადაიკვეთა.