„ნაპოლიმ“ ფრანკფურტის „აინტრახტიდან“ იესპერ ლინდსტრომის ტრანსფერი შეათანხმა. ამის შესახებ იტალიური და გერმანული მედია წერს.

23 წლის დანიელი ნეაპოლში ხვალ იქნება და სამედიცინო შემოწმებას გაივლის. ნეაპოლელებს ეს ტრანსფერი ბონუსების ჩათვლით 25 მილიონ ევრომდე დაუჯდებათ, 5 მილიონი იჯარა და 20 - გამოსყიდვა. ლინდსტრომი „აძურიში“ ირვინგ ლოზანოს შემცვლელად მიაჩნიათ, რომელიც სავარაუდოდ გუნდს დატოვებს. თუმცა, მას მარცხენა ფლანგზე თამაშიც შეუძლია.

იესპერ ლინდსტრომმა კარიერა „ბრონდბიუში“ დაიწყო, 2021 წლიდან კი, „აინტრახტის“ მაისურით 78 მატჩში 14 გოლის გატანა მოახერხა. დანიის ნაკრებში მას 10 შეხვედრაში 1 გოლი აქვს გატანილი.