„ფიორენტინას“ ნახევარმცველი, სოფიან ამრაბატი, ინგლისურ „მანჩესტერ იუნაიტედთან“ პირად კონტრაქტზე შეთანხმდა - წერს ტვიტერზე ჟურნალისტი ნიკოლო სკირა.
წყაროს ცნობით, მაროკოს ნაკრების ფეხბურთელი წელიწადში 4 მილიონი ევროს ოდენობის ხელფასს მიიღებს. კონტრაქტის ვადა ხუთწლიანი იქნება. კლუბებს შორის მოლაპარაკებები გრძელდება, მაგრამ სოფიანი დაჟინებით მოითხოვს ინგლისში გადასვლას.
2022/2023 წლების სეზონში ამრაბატმა „ფიორენტინას“ შემადგენლობაში ყველა ტურნირზე 49 მატჩი ჩაატარა და ერთი საგოლე გადაცემა შეასრულა. ფეხბურთელის კონტრაქტი ფლორენციულ კლუბთან 2024 წლის ივნისის ბოლომდეა ძალაში.
