„ალ-აჰლიმ“ ვიგოს „სელტას“ 21 წლის ნახევარმცველის, გაბრი ვეიგას ტრანსფერი ოფიციალურად დაადასტურა.

ნიჭიერმა ესპანელმა ფეხბურთელმა, რომელიც „ნაპოლისთან“ იყო შეთანხმებული, მაგრამ ბოლო მომენტში გადაწყვეტილება შეცვალა და არაბეთში წავიდა, „ალ-აჰლისთან“ 3-წლიან კონტრაქტს ხელი მოაწერა.

გაბრი ვეიგა „სელტას“ აღზრდილია, მთავარ გუნდში კი 55 შეხვედრაში 11 გოლი გაიტანა. ესპანეთის 21-წლამდე ნაკრებში მის ანგარიშზე 8 უგოლო თამაშია. მან ცოტა ხნის წინ ევროპის 21-წლამდელთა ჩემპიონატის ფინალში ბათუმშიც ითამაშა.