ინგლისის პრემიერლიგის მესამე ტურში ლონდონის „ჩელსიმ“ „ლუტონს“ უმასპინძლა და 3:0 დაამარცხა.

ეს მაურისიო პოჩეტინოს პირველი გამარჯვებაა „არისტოკრატებში“. მასპინძლებმა პრემიერლიგის დებიუტანტთან კომფორტული უპირატესობა რაჰიმ სტერლინგის დუბლით მოიპოვეს, საბოლოო ანგარიში კი ნიკოლას ჯექსონმა დააფიქსირა, რომელმაც სადებიუტო გოლი გაიტანა.

„ჩელსის“ სამ ტურში 4 ქულა აქვს და მომდევნო შეხვედრას 2 სექტემბერს, „ნოტინგემთან“ გამართავს. „ლუტონს“ ჯერ მხოლოდ ორი თამაში აქვს ჩატარებული და ქულა არ მოუპოვებია.

„ჩელსი“ – „ლუტონი“ 3:0 (1:0)

გოლები: 1:0 სტერლინგი (17), 2:0 სტერლინგი (68), 3:0 ჯექსონი (75)