ესპანეთის ნაკრების მცველი ემერიკ ლაპორტი „მანჩესტერ სიტიდან“ „ალ-ნასრში“ გადავიდა. ინფორმაცია ოფიციალურად დადასტურდა.

29 წლის ფეხბურთელის სანაცვლოდ ინგლისელებმა 20 მილიონი ევრო მიიღეს, ხოლო ემერიკის ხელფასი სეზონში 20-25 მილიონ ევროს შეადგენს.

ემერიკ ლაპორტმა „მანჩესტერ სიტიში“ 5.5 წელი გაატარა, 180 მატჩში მიიღო მონაწილეობა და 13 ტიტული მოიგო. მანამდე ის ბილბაოს „ატლეტიკის“ ღირსებას იცავდა.