ვეტერანი იტალიელი ფეხბურთელი ანტონიო კასანო მიიჩნევს, რომ „ნაპოლი“ მიმდინარე სეზონში სერია A-ს ოთხეულშიც ვერ მოხვდება. მან პროგნოზი გააკეთა, რომელი გუნდები მოიპოვებენ ჩემპიონთა ლიგის საგზურს.

„ჩემი აზრით, „ფიორენტინა“ და „ატალანტა“ ოთხეულში მოხვდებიან „ინტერთან“ და „იუვენტუსთან“ ერთად“, - თქვა კასანომ, როდესაც ახალ სეზონზე პროგნოზი სთხოვეს.

შეგახსენებთ, რომ ანტონიო კასანო „ნაპოლისადმი“ გასულ სეზონში დადებითად იყო განწყობილი, თუმცა, განსაკუთრებით ლუჩანო სპალეტის აქებდა, რომელმაც ნეაპოლელთა მთავარი მწვრთნელის პოსტი დატოვა.