ალექსის სანჩესს „ინტერში“ დაბრუნება სურს. ეს ინფორმაცია „ნერაძურის“ გენერალურმა დირექტორმა ჯუზეპე მაროტამ დაადასტურა.

ჩილელი ფეხბურთელი ამჟამად თავისუფალი აგენტია და სავარაუდოდ ხოაკინ კორეას შეცვლის, რომელსაც „ინტერის“ დატოვება და უფრო მეტი სათამაშო დროის მიღება სურს.

ალექსის სანჩესი „ინტერში“ 2019-2022 წლებში თამაშობდა და 109 მატჩში 20 გოლი გაიტანა. გასულ სეზონში 34 წლის შემტევმა „მარსელში“ 44-ჯერ თამაშა და 18 გოლი გაიტანა.