საუდის არაბეთის ჩემპიონატის მეორე ტურში სოლომონ კვირკველიას „ალ-ოხდუდი“ საკუთარ მოედანზე „ალ-ფატეჰს“ დაუპირისპირდა და 1:3 დამარცხდა.

ქართველმა მცველმა 90 წუთის განმავლობაში ითამაშა. „ალ-ოხდუდი“ იგებდა, მაგრამ შემდეგ 3 გოლი გაუშვა და მარცხი განიცადა. „ალ-ფატეჰში“ საუკეთესო „ბარსელონას“ ყოფილი შემტევი კრისტიან ტელო იყო, რომელმაც დუბლი შეასრულა და საგოლე პასიც გააკეთა.

„ალ-ოხდუდს“ ორ ტურში 1 ქულა აქვს და ჯერჯერობით მე-12 ადგილზეა, ხოლო მომდევნო ტურში 24 აგვისტოს, სტუმრად გათამაშების ლიდერ და ვარსკვლავებით დაკომპლექტებულ „ალ-აჰლის“ გასვლაზე დაუპირისპირდება.