საუდი პრო ლიგის მეორე ტურში „ალ-აჰლიმ“, რომელიც მიმდინარე სატრანსფერი ფანჯარაზე შეიძლება ითქვას, რომ ყველაზე მეტად გაძლიერდა, ვინაიდან არაერთი ცნობილი ფეხბურთელი დაიმატა, სტუმრად „ალ-ხალეჯი“ 3:1 დაამარცხა.

საუდის არაბეთის ჩემპიონატში სადებიუტო გოლი გაიტანა რიად მაჰრეზმა, რომელმაც 45-ე წუთზე ანგარიში 2:0 გახადა. ალჟირელი ვარსკვლავის გარდა, თავი „რომას“ ყოფილმა მცველმა როჟერ იბანიესმაც გამოიჩინა, რომლისთვისაც ასევე სადებიუტო გოლი იყო.

ამჯერად არ უთამაშია რობერტო ფირმინოს, რომელმაც პირველ ტურში ჰეთ-თრიქი შეასრულა. „ალ-აჰლი“ ორ ტურში მოპოვებული 6 ქულით პირველ ადგილზეა.