„ნაპოლის“ მთავარმა მწვრთნელმა რუდი გარსიამ DAZN-ს ვრცელი ინტერვიუ მისცა, რომლის სრული ნაწილი მოგვიანებით გამოქვეყნდება, მანამდე გავრცელდა მცირე მონაკვეთები.

ფრანგმა სპეციალისტმა ისაუბრა ჩემპიონთა ლიგაზე კონკურენტუნარიანობისთვის საჭირო საკითხებსა და გუნდის კაპიტან ჯოვანი დი ლორენცოზე.

„ჩემპიონთა ლიგისთვის ძლიერი შემადგენლობაა საჭირო. როდესაც ევროპა ლიგაზე თამაშო, შეგიძლია 100%-ით კონცენტრაცია მოახდინო შიდა ჩემპიონატზე, რადგან როგორც წესი, ევროპა ლიგის ჯგუფიდან გასვლა პრობლემა არ არის, მერვედფინალიდან და მეოთხედფინალიდან რთულდება. ჩვენ ჩემპიონთა ლიგაზე ვთამაშობთ და იმისათვის, რომ ორივე ტურნირზე კარგად გამოვიდეთ, ამისთვის ძლიერი შემადგენლობაა საჭირო.

ჩემს ფეხბურთელებს აქვთ გუნდური სულისკვეთება და პირველ ნომრად კარგად თამაში შეუძლიათ. კაპიტანი? დი ლორენცო შესანიშნავი ადამიანია, რადგან ყოველთვის სხვებზე ფიქრობს. არასდროს შემიტანია ეჭვი თუ ვინ უნდა ყოფილიყო კაპიტანი“, - თქვა რუდი გარსიამ.

შეგახსენებთ, რომ „ნაპოლი“ სერია A-ს პირველ ტურში 19 აგვისტოს, სტუმრად „ფროზინონეს“ დაუპირისპირდება.