ქალთა მსოფლიოს ჩემპიონატზე მეოთხედფინალური ეტაპი დასრულდა და ყველა ნახევარფინალისტი ცნობილია. ესპანეთისა და შვედეთის ნაკრებებს, დღეს მასპინძელი ავსტრალია და ტურნირის მთავარი ფავორიტი ინგლისი შეუერთდნენ.

ავსტრალიამ ისტორია დაწერა, რადგან ნახევარფინალში გასვლა მისთვის დიდი შედეგია. ამჯერად მასპინძლებმა საფრანგეთის ნაკრებს დრამატულ ბრძოლაში აჯობეს. 120 წუთი უგოლოდ გაილია, ხოლო პენალტების სერიაში ავსტრალიის ნაკრებმა 7:6 მოიგო. გუნდებმა 10-10 პენალტი შეასრულეს.

მეორე ნახევარფინალში ინგლისის ნაკრებმა კოლუმბიას დაძაბულ ბრძოლაში 2:1 მოუგო. ინგლისმა 44-ე წუთზე გოლი გაუშვა, მაგრამ პირველივე ტაიმში გაათანაბრა, ხოლო მეორე ნახევარში გამარჯვების გოლი გაიტანა და მომდევნო ეტაპზე გავიდა.

ნახევარფინალში 15 აგვისტოს ესპანეთი შვედეთს, ხოლო ერთი დღის შემდეგ ავსტრალია ინგლისს შეხვდება.