ქალთა მსოფლიოს ჩემპიონატზე ორი მეოთხედფინალისტის ვინაობა ცნობილია. ესპანეთმა და იაპონიამ მომდევნო ეტაპზე გასვლა მოახერხეს.

ესპანეთის ნაკრებმა შვეიცარია ძალიან იოლად, 5:1 დაამარცხა. მატჩის ბედი პირველივე ტაიმში გადაწყდა, რომელიც პირინელებმა 4:1 მოიგეს, შესვენების შემდეგ კი უპირატესობა გაზარდეს.

განსაკუთრებული პრობლემები არ შექმნია იაპონიის ნაკრებსაც, რომელმაც ჯერ ჯგუფური ეტაპი განვლო ერთი ამოსუნთქვით, ამჯერად ნორვეგიის ნაკრებს - 3:1. პირველ ტაიმში გუნდებმა გოლები გაცვალეს, თუმცა, მეორე ნახევარში აზიელებმა მეტოქეს ორი უპასუხო გოლი გაუტანეს და მეოთხედფინალში გავიდნენ.

ესპანეთი მეოთხედფინალში ნიდერლანდებსა და სამხრეთ აფრიკას შორის გამარჯვებულს შეხვდება, ხოლო იაპონელთა მეტოქე შვედეთისა და აშშ-ს დუელში გამოვლინდება.