გორის „დილა“ კონფერენს ლიგის მესამე საკვალიფიკაციო ეტაპზე ნიქოზიის „აპოელს“ შეხვდება, რომლის რიგებში საქართველოს ნაკრების ფეხბურთელები, გიორგი ქვილითაია და ლაშა დვალი თამაშობენ.

კვიპროსელებმა სერბულ „ვოივოდინას“, როგორც შინ, ისე სტუმრად 2:1 მოუგეს, შესაბამისად, ორი მატჩის ჯამში 4:2 აჯობეს. ქვილითაიამ საპასუხო შეხვედრაში 84-ე წუთამდე, ხოლო დვალმა შეუცვლელად ითამაშა. ამჯერად მათ გოლები არ გაუტანიათ, მაგრამ პირველი მატჩი ნიქოზიელებმა შინ 2:1 სწორედ გიორგის და ლაშას გოლებით მოიგეს.

გორის „დილა“ ნიქოზიის „აპოელს“ 10 აგვისტოს უმასპინძლებს, ხოლო ერთი კვირის შემდეგ მატჩი კვიპროსში ესტუმრება.