2023/2024 წლების სეზონი ესპანეთის პრიმერა დივიზიონში 2023 წლის 11 აგვისტოს დაიწყება და 2024 წლის 26 მაისს დასრულდება. დეკემბერში საშობაო და საახალწლო არდადეგები იქნება. მიმდინარე წლის ბოლო თამაშები 20 დეკემბერს გაიმართება, მე-19 ტური კი 3 იანვარს, რის შემდეგაც ტურნირზე 14 იანვრამდე პაუზა გამოცხადდება.

კოვიდ-პანდემიისა და 2022 წლის ზამთრის მსოფლიო ჩემპიონატის შემდეგ, ლიგის კალენდარი ჩვეულ განრიგს დაუბრუნდა

პირველი ტური 11-დან 14 აგვისტოს ჩათვლით გაიმართება. პირველივე დღეს საქმეში გიორგი მამარდაშვილის „ვალენსია“ ჩაერთვება. „ღამურები“ „სევილიას“ ესტუმრებიან. მატჩი თბილისის დროით 23 საათსა 30 წუთზე დაიწყება.

პირველი ტური:

11 აგვისტო, პარასკევი

ალმერია - რაიო ვალეკანო

სევილია - ვალენსია

12 აგვისტო, შაბათი

სოსიედადი - ჟირონა

ლას პალმასი - მალიორკა

ბილბაო- რეალი

13 აგვისტო, კვირა

სელტა - ოსასუნა

ვილიარეალი - ბეტისი

ხეტაფე - ბარსელონა

14 აგვისტო, ორშაბათი

კადისი - ალავესი

ატლეტიკო - გრანადა