„ალ-ჰილალი“ გაჩერებას როგორც ჩანს არ აპირებს. L’Equipe წერს, რომ კილიან მბაპესგან უარის მიღების შემდეგ საუდელებს ვიქტორ ოსიმენის შეძენა სურთ.
ფრანგული გამოცემა ფინანსურ დეტალებზე არაფერს იტყობინება, მაგრამ „ალ-ჰილალი“ „ნაპოლისთვის“ შეთავაზებას გაკეთებას უახლოეს დღეებში აპირებს. ნიგერიელ ფეხბურთელს იტალიის ჩემპიონთან კონტრაქტი 2025 წლამდე აკავშირებს, მხარეები მის განახლებაზე მუშაობენ, მაგრამ ჯერ საბოლოოდ არ შეთანხმებულან.
ცნობილია, რომ აურელიო დე ლაურენტისი ოსიმენს დაახლოებით 200 მილიონ ევროდ აფასებს, თუმცა, „ალ-ჰილალი“ მზად იყო მბაპეში გაცილებით მეტი გადაეხადა, ხოლო ბრაზილიელი მალკოლმისთვის „ზენიტს“ 60 მილიონი გადაუხადა. ასე რომ, საუდელებისთვის ფინანსები დაბრკოლებას არ წარმოადგენს.
ოსიმენს ევროპაში დარჩენა სურს, მაგრამ შეიძლება სარფიანმა შეთავაზებაც სიტუაცია შეცვალოს. მან გასულ სეზონში 26 გოლით სერია A-ს საუკეთესო ბომბარდირობა მოახერხა.
