სევილიის „ბეტისმა“ ისკო დაიმატა. ესპანურმა კლუბმა 31 წლის ფეხბურთელთან კონტრაქტი გააფორმა.

ესპანელი თავისუფალი აგენტი იყო, შესაბამისად, ანდალუსიელებს უფასოდ შეუერთდა. აღსანიშნავია, რომ მისი ბოლო კლუბი „ბეტისის“ მთავარი მეტოქე, „სევილია“ იყო, რომელიც გასული წლის ბოლოს დატოვა.

ისკო „ვალენსიასა“ და „მალაგაში“ თამაშობდა, კარიერის საუკეთესო წლები კი 2013-2022 წლებში „რეალში“ გაატარა, სადაც 353 შეხვედრაში 53 გოლის გატანა მოახერხა. ესპანეთის ნაკრებში მას 38 თამაშში 12 გოლი აქვს გატანილი.