„პარი სენ-ჟერმენში“ კილიან მბაპეს მომავალი ბუნდოვანია, ფრანგულმა კლუბმა ის ტრანსფერზე დააყენა.

ცნობილი ფრანგული გამოცემა RMC Sport-ი კი იტყობინება, რომ „ალ-ჰილალი“ მზადაა მბაპეს წელიწადში 400 მილიონი ევრო გადაუხადოს, რითაც მბაპე ისტორიაში ყველაზე მაღალანაზღაურებადი ფეხბურთელი გახდება.

თავის მხრივ, არაბები მზად არიან პსჟ-ს კილიანში 200 მილიონი ევრო გადაუხადონ, ეს მაშინ, როდესაც კონტრაქტი ერთ წელიწადში იწურება. საუდის არაბეთში ფეხბურთელები ბოლო დროს აქტიურად მიდიან, მაგრამ უცნობია, რამდენად დათანხმდება ამ პროექტს 24 წლის ფრანგი ვარსკვლავი.

მბაპეს მიმართ ინტერესს მადრიდის „რეალი“ და ლონდონის „არსენალიც“ იჩენენ. ყველაფერი მიმდინარე სატრანსფერო პერიოდში ალბათ საბოლოოდ გადაწყდება.