„ვირტუს ბოლონიას“ გენერალური დირექტორი ლუკა ბარალდი ბოლო დროს გავრცელებულ ხმებს გამოეხმაურა, რომლის თანახმად, თორნიკე შენგელია კლუბიდან წასვლას აპირებდა.
ბარალდის თქმით, ქართველი კალათბურთელი მომდევნო სეზონში ისევ ბოლონიელთა რიგებში ითამაშებს:
„მიგვაჩნია, რომ მიზანშეწონილია განვმარტოთ, რომ მოთამაშე არ არის ბაზარზე და მის ტრანსფერზე მოლაპარაკებები სხვა კლუბებთან არასდროს გვქონია. ვადასტურებთ, რომ თორნიკე არსებული კონტრაქტის ბოლომდე დარჩება და მომდევნო სეზონშიც „ვირტუსის“ შემადგენლობაში იქნება“, - აღნიშნა ბარალდიმ.
შეგახსენებთ, თორნიკე შენგელიას ბოლო დროს ათენის „პანათინაიკოსს“ და ბელგრადის „ცრვენა ზვეზდას“ უკავშირებდნენ, მაგრამ ისევ „ვირტუსში“ ითამაშებს, რომელთანაც კონტრაქტი 2024 წლის ზაფხულამდე აქვს გაფორმებული.
