"სამგურალმა" ბრაზილიელი და უკრაინელი ლეგიონერები დაიმატა

იმერულმა კლუბმა მოსკოვის "დინამოდან" 22 წლის საყრდენი ნახევარმცველი გიორგი სულაქველიძე დაიმატა. გიორგი "ხიმკის" საფეხბურთო სკოლის აღზრდილია. 2020 წელს გადავიდა მოსკოვის "დინამოს" დუბლებში, საიდანაც მთავარ გუნდში დააწინაურეს. გიორგი სულაქველიძე "სამგურალში" 9 ნომრიანი მაისურით ითამაშებს.

ამასთან, დენის ბალანიუკიც "სამგურალის" ფეხბურთელია. 22 წლის უკრაინელი ლეგიონერი იმერულ კლუბში ბულგარული "სპარტაკ ვარნადან" გადავიდა.

ბალანიუკი ამპლუით ცენტრფორვარდია და სხვადასხვა დროს "დნიპროში", კრაკოვის "ვისლაში", კიევის "არსენალში" დონეცკის "ოლიმპიკში" მოსკოვის "დინამოსა" და ფინურ "მარიეჰამნში" თამაშობდა. ბალანიუკი "სამგურალში" 27 ნომრიანი მაისურით ითამაშებს.

აქვე ვთქვათ, რომ წყალტუბოელებმა მანამდე ხორვატი ფეხბურთელი ბარტულ მარკოვინა და ბექა დარცმელია დაიმატეს.

სამაგიეროდ, "სამგურალი" დატოვა საუკეთესო ბომბარდირმა გიორგი ნიქაბაძემ, რომელმაც 36 მატჩში 14 გოლი გაიტანა. ქართველი ფორვარდი კარიერას უზბეკეთის ჩემპიონატის მესამეადგილოსან "ნეფთჩიში" გააგრძელებს.

თეგებილეანდრო ლიმა სამგურალი