მიუნხენის „ბაიერნის“ ფეხბურთელი სადიო მანე ახლოსაა საუდის არაბეთში გადასვლასთან. ამის შესახებ L’Equipe წერს.

ფრანგული მედიის ინფორმაციით, სენეგალელი ფეხბურთელი „ალ-ნასრს“, სადაც კრიშტიანუ რონალდუ თამაშობს, უკვე შეუთანხმდა და შეიძლება სულ მალე ტრანსფერი ოფიციალურად დადასტურდეს. ამ ეტაპზე ფინანსური დეტალები უცნობია, მაგრამ მანე აზიაში ძალიან მაღალ ხელფასს მიიღებს.

31 წლის შემტევმა გასულ სეზონში „ბაიერნის“ მაისურით 38 მატჩში 12 გოლი გაიტანა და კლუბის ხელმძღვანელობის მოლოდინი ვერ გაამართლა. მანამდე სადიო „მეცში“, „ზალცბურგში“, „საუთჰემპტონსა“ და „ლივერპულში“ თამაშობდა.