„ალ-ნასრის“ პორტუგალიელმა თავდამსხმელმა, კრიშტიანუ რონალდუმ, იტალიის ჩემპიონატზე თავის გავლენაზე ისაუბრა.

„ჩემი გადაწყვეტილება, გადავსულიყავი საუდის არაბეთის კლუბში, 100% განპირობებული გახლდათ ამ ქვეყანაში ახალი საუკეთესო ფეხბურთელების მოსაზიდად. ფაქტია, როცა „იუვენტუსს“ შევუერთდი, სერია A მკვდარი იყო, მას შემდეგ, რაც კონტრაქტს მოვაწერე ხელი ის ხელახლა დაიბადა. სადაც კრიშტიანუ მიდის, იქ ყველაფერი საინტერესო ხდება.“ - ციტირებს ჟურნალისტი ფაბრიციო რომანო რონალდუს სიტყვებს ტვიტერზე.

შეგახსენებთ, რომ რონალდუ „იუვენტუსში“ 2018-დან 2021 წლამდე თამაშობდა. ამ ხნის განმავლობაში მან ყველა შეჯინრში მონაწილეობა მიიღო 134 მატჩში, 101ბურთი გაიტანა და 22 საგოლე გადაცემა მიითვალა.

2023 წლის იანვარში რონალდუმ „ალ-ნასრთან“ მოაწერა ხელი კონტრაქტს.