იტალიის მოქმედ ჩემპიონ „ნაპოლის“ მიუნხენის „ბაიერნისა“ და ნიდერლანდების ნაკრების ნახევარმცველი რაიან გრავენბერხი დაუკავშირეს.

DAZN-ის ცნობით, ნეაპოლელებმა „ბაიერნისგან“ ნიდერლანდების შესაძლო ტრანსფერზე ინფორმაცია გამოითხოვეს. უცნობია დეტალები, მაგრამ საყურადღებოა ის, რომ კიმ მინ-ჯე სულ მალე „ნაპოლიდან“ „ბაიერნის“ ფეხბურთელი გახდება, რამაც შეიძლება რაიანის იტალიაში, თუნდაც იჯარით გადაბარგებას ხელი შეუწყოს.

გრავენბერხი „ბაიერნმა“ ერთი წლის წინ „აიაქსიდან“ დაიმატა, მაგრამ გერმანული გრანდის ძირითად შემადგენლობაში დამკვიდრება ვერ მოახერხა და უმეტესად შეცვლებზე თამაში უწევდა. 21 წლის ნახევარმცველმა 33 მატჩში 1 გოლის გატანა შეძლო. რაიან გრავენბერხმა სახელი ამსტერდამის „აიაქსში“ გაითქვა, სადაც 103 შეხვედრაში 12 გოლი გაიტანა.