ბუენოს აირესის „რივერ პლეიტი“ არგენტინის ჩემპიონი გახდა. „მილიონარიოსმა“ ეს ტიტული ისტორიაში 38-ედ მოიპოვა.

მარტინ დემიკელისის გუნდმა არგენტინის ჩემპიონატის 25-ე ტურში „ესტუდიანტესი“ შინ 3:1 დაამარცხა, რის შედეგადაც 57 ქულა დააგროვა და უახლოეს მდევარ „კორდობას“ 9 ქულით უსწრებს, სეზონის ბოლომდე კი მხოლოდ 2 ტურია დარჩენილი.

ამრიგად, „რივერი“ ჩემპიონია. აღსანიშნავია მარტინ დემიკელისის წვლილი, რომელმაც მარსელო გალიარდო წარმატებით შეცვალა და გუნდს პირველივე სეზონში ჩემპიონობა მოაპოვებინა.