ლეგენდარული იაპონელი კაზუ მიურა ფეხბურთის თამაშს აგრძელებს. ის 56 წლისაა და პორტუგალიის მეორე დივიზიონის ბინადარ „ოლივეირენსეში“ ირიცხება.

ვეტერანმა აზიელმა კლუბთან კონტრაქტი კიდევ 1 წლით გაახანგრძლივა, შესაბამისად, პროფესიონალურ დონეზე ისევ ითამაშებს. როგორც მან თქვა, ფეხბურთის თამაშს 60 წლამდე აპირებს.

კაზუ მიურა ყველაზე ასაკოვანი ფეხბურთელია, რომელსაც J ლიგაში უთამაშია (54 წლისა და 12 დღის ასაკში) და ასევე, ერთადერთია ისტორიაში, რომელმაც პროფესიონალურ დონეზე ხუთ სხვადასხვა ათწლეულში ითამაშა.

მას იაპონიის ნაკრებში 89-ჯერ აქვს ნათამაშები და 55 გოლი გაიტანა, „იოკოჰამაში“ ბოლო 16 წელიწადი თამაშობდა, მანამდე კი „სანტოსის“, „პალმეირასის“, „კორიტიბას“, „კავაზაკის“, „ჯენოას“, „ვისელ კობესა“ და „სიდნეის“ ღირსებას იცავდა.