ბრიტანელი დაუმარცხებელი მოკრივე, WBC-ის მსოფლიო ჩემპიონი მძიმე წონაში ტაისონ ფიური და ფრანგ-კამერუნელი MMA მებრძოლი, UFC-ის ყოფილი მძიმე წონაში ჩემპიონი ფრენსის ნგანუ 28 ოქტომბერს რიადში (საუდის არაბეთი) იბრძოლებენ.

ამის შესახებ ESPN-ის ჟურნალისტმა მაიკ კოპინგერმა სოციალურ ქსელში ისაუბრა. წესები და რაუნდების რაოდენობა ჯერ კიდევ გაურკვეველია. ამასთან, WBC-ის პრეზიდენტმა მაურისიო სულეიმანმა არ გასცა პასუხი კითხვაზე, დადგება თუ არა სასწორზე ფიურის მძიმე წონის ტიტული.

ფიურის პროფესიონალურ კრივში 34 ბრძოლა აქვს ჩატარებული, რომელშიც 33 გამარჯვება მოიპოვა (24 ნოკაუტით). ერთი ბრძოლა ტაისონის მონაწილეობით ფრედ დასრულდა.

ნგანუმ სულ 20 ბრძოლა ჩაატარა MMA-ში, რომელშიც მოიგო 17 გამარჯვება (12 ნოკაუტით) და სამი მარცხი განიცადა.