სტატისტიკურმა ვებგვერდმა Sofascore-მ აწ დასრულებული ევროპის 21-წლამდე ჩემპიონატი შეაჯამა და სიმბოლური ნაკრები გამოაქვეყნა, რომელშიც ერთი ქართველი ფეხბურთელიც მოხვდა.

გამოცემის ვერსიით, ტურნირის საუკეთესო 11-ეულში ადგილი საბა საზონოვს ერგო. მან ევროპის ჩემპიონატზე ოთხი მატჩი შეუცვლელად ჩაატარა და 1 გოლის გატანაც მოახერხა. რაც მთავარია, დაცვაში დამაჯერებელი თამაშით გამოირჩა.

სიმბოლურ ნაკრებში ლოგიკურია, რომ ფინალისტები, ინგლისი და ესპანეთი ყველაზე მეტი ფეხბურთელით არიან წარმოდგენილი:

მეკარე: ტრაფორდი (ინგლისი)

მცველები: საზონოვი (საქართველო), ჰარვუდ-ბელისი (ინგლისი), კოლვილი (ინგლისი)

ნახევარმცველები: პალმერი (ინგლისი), ბონდარენკო (უკრაინა), ბაენა (ესპანეთი), ს. გომესი (ესპანეთი)

შემტევი ნახევარმცველები: სანჩესი (ესპანეთი), სუდაკოვი (უკრაინა)

თავდამსხმელი: გიბს-ვაითი (ინგლისი)