„პარი სენ-ჟერმენმა“ მილან შკრინიარის შემდეგ კიდევ ერთი თავისუფალი აგენტი დაიმატა - მარკო ასენსიო. ტრანსფერი ოფიციალურად დადასტურდა.

ესპანელმა ფეხბურთელმა, რომელსაც 30 ივნისს „რეალთან“ კონტრაქტი ამოეწურა, პსჟ-სთან 3-წლიანი კონტრაქტი გააფორმა.

„ჩემთვის პრივილეგიაა ამ დიდი კლუბის ნაწილი ვიყო. მოუთმენლად ველოდები თანაგუნდელებთან შეხვედრას და გუნდთან ერთად მუშაობის დაწყებას დიდი მიზნების მისაღწევად“, - თქვა მარკომ.

შეგახსენებთ, რომ მარკო ასენსიო „მალიორკას“ აღზრდილია, შემდეგ „ესპანიოლშიც“ ითამაშა, 2016 წლიდან კი მადრიდის „რეალის“ წევრი იყო, რომლის რიგებში 286 შეხვედრაში 61 გოლი გაიტანა.