გოგა ბითაძე მომდევნო სეზონსაც „ორლანდო მეჯიქში“ გაატარებს. ამის შესახებ ინფორმაცია ამერიკული კლუბის ვებგვერდმა დაადასტურა.

გოგას კონტრაქტი ერთი წლით გაუხანგრძლივეს და მისი შენარჩუნება გადაწყვიტეს. ქართველი ცენტრი „ორლანდოს“ მიმდინარე წლის დასაწყისში შეუერთდა და რეგულარულ სეზონში 17 მატჩიც ჩაატარა.

მან „ორლანდოში“ გაცილებით მეტი დრო მიიღო, ვიდრე მანამდე „ინდიანაში“ იღებდა, სეზონი კი საშუალოდ 5.8 ქულით, 5.2 მოხსნით, 1.2 პასით და 0.9 დაფარებით დაასრულა.