იტალიის მოქმედი ჩემპიონი „ნაპოლი“ მომდევნო სეზონისთვის მზადებას 14 ივლისიდან დაიწყებს, ხოლო გუნდი ორი დღით ადრე, 12 ივლისს შეიკრიბება.

იტალიური მედიის ცნობით, 14-25 ივლისს ნეაპოლელები დიმაროში მოემზადებიან, სადაც ორი ამხანაგური მატჩია დაგეგმილი სამოყვარულო გუნდების წინააღმდეგ 20 და 24 ივლისს, მაგრამ კონკრეტულად გუნდები უცნობია.

28 ივლისიდან 12 აგვისტომდე რუდი გარსიას გუნდი კასტელ დი სანგროში გადაინაცვლებს, სადაც უკვე შეკრების მეორე ნაწილს გაივლის და ამხანაგურ მატჩებს უფრო მაღალი დონის გუნდებთან ჩაატარებს.

შეგახსენებთ, რომ სერია A-ს ახალი სეზონი სტარტს 20 აგვისტოს აიღებს, ხოლო 26 მაისს ბოლო ტური გაიმართება.