რაფაელ ბენიტესი სამწვრთნელო ასპარეზზე დაბრუნდა და მომდევნო სეზონში ვიგოს „სელტას“ გაწვრთნის. ინფორმაცია ოფიციალურად დადასტურდა.

63 წლის სპეციალისტმა გალისიელებთან ერთწლიანი კონტრაქტი გააფორმა. მიზანი ლა ლიგაში ადგილის შენარჩუნება იქნება.

ბენიტესი ბოლოს 2021-2022 წლების სეზონში „ევერტონს“ ავარჯიშებდა, ხოლო სამშობლოში 2015 წელს „რეალში“ მუშაობდა. მას ასევე უმუშავია „ვალიადოლიდში“, „ოსასუნაში“, „ტენერიფეში“, „ექსტრემადურაში“, „ვალენსიაში“, „ლივერპულში“, „ინტერში“, „ჩელსიში“, „ნაპოლიში“, „ნიუკასლსა“ და „დალიანში“.